FOLLOW SOCIALS

  • Facebook
  • Twitter
  • Instagram
  • Facebook
  • Twitter
  • Instagram
FOLLOW SOCIALS +
  • Karlo Antonio David

Jeremiah

Feature ⬝ Karlo Antonio David Contains Mature and Explicit Content

Cover Artwork ⬝ Maya Angelou Nievares



NASILAW SI JEREMIAH sa kaputi ng white sand at sa mga nagakintab na dibdib ng mga nagalakad na kekiru.  Shades, at nagdilim ang tanghali sa Boracay. 


‘Kaalimuot this world,’ buntong-hininga niya. 


Nagtawa sa tabi si Sarah. 


Nakahiga sila sa mga plastic na bench sa ilalim ng puno ng niyog harap ng Estacio Uno, kung saan sila naka-check in. Si Jeremiah naka shorts, short-sleeved na polo, at fedora, naga-inom ng piña colada habang ginapigilan ang shawl maglipad sa hangin. Si Sarah naka two piece, pero naka cover up at nakatapis ng malong, nagalipad din sa hangin ang brown na ponytail. 


‘Magswim ka pala, girl?’ sabi ni Sarah. 


‘Gaga, kita mo na gani bulaw ang buhok ko, ipa-sunburn mo pa ako. Gusto mo ako maging badjao?’


Nagtawa ulit si Sarah, pero hilaw ang tawa this time. 


Kadaming issues this girl. Gilaru-laruan niya ang straw ng piña colada (ugh, kaasim) habang ginatignan ang ulbo ng notch sa trunks ng mga nagadaang keks na Arabo. 


Kadami sanang mga masarap na katawan nagalakad-lakad sa Station One: mga twinky pero makinis na Intsik (o Koreano ba, whatever), mas maputi pa sa balas; mga nagapula na Amerikano, may balahibo-flavour, may twinky din; mga Arabo (o Jay Ho ba, basta taas-ilong), chocolate-flavour masyado ang abs. May mga cute din na Pinoy magdaan minsan. 


Lami man, pero maisip pa lang ni Maya, magsakit na ang pwet niya. 


Habang gi-imagine niya kung masakit ba magpalubi sa nagdaan na negro, gilingon niya si Sarah sa tabi.


Luspad kay sige lang sa loob ng bahay o opisina, may curves pero medyo payat: nagabasa na naman ng libro ang gaga.


‘Akala ko ba nagpunta tayo dito para magbiga?’ Gikuha niya ang libro.


‘Mahiya man ako girl uy.’ Nagatawa si Sarah pagtry niya kuha balik sa libro.


‘Gaga, kasexy mo, wala kang karapatan mahiya.’ Gikurot niya ang binti nito. ‘Tayo.’


Nagtayo si Sarah, at bigla gibira ni Jeremiah ang nakatapis na malong – napakita ang makinis masyado na legs. 

‘Ayan o, ginapagtinginan ka na.’


At nagsimula bitaw lingon ang mga nagadaan sa kanilang lalaki.


Mahiyain na giipit ni Sarah ang buhok sa tenga, at napangiti siya. Kita ni Maya ang konting pagtaas ng self-confidence nito. Gaga.


Estudyante pa lang sila sa Ateneo de Davao nerd na talaga itong babaeng ito – magshift ba naman from MassCom to AB English kay nalingaw sa research. Gagabells. Hanggang sa naggraduate, nerd pa rin (research assistant ang racket of course). 


Kaya nagulat ang Maya slight nung bigla ito nag-aya last week mag-Boracay para mamiga.


Hags sa call center, plus masakit sa mata makita yung Brandon, kaya nag-leave ang bayot ng dalawang linggo (sa 4 years niya sa call center, naging supervisor na lang siya wala pa siya naka-leave ever). 


‘Hala sige, maglandi ka na. Kagabi sabi mo kapoy ka pa sa biyahe. Yan, nakatulog ka na. May energy ka na mamiga. Bilangkad na.’


‘Kalain mo Maya uy!’ pero nagatawa ang nyernyer ng gaga. ‘Hindi ko man alam anuhin...’


‘Turuan kita ha.’ Naglekwatro ang bayot. ‘Ganito. 


‘Una, maghanap ka ng type mong keks. Ako o, yang long hair na papunta dito.’


Gihubad niya ang shades niya. Ng malandi: ‘“Papa Jesus, magpabinyag ako...”’


Nagtawa si Sarah. ‘Atik girl ba!’


‘Gaga, tingnan mo lang, pero ganun ang message ng tingin. “Pahingi niyan, daddy” eyes ba.’ At paglapit ng lalaki, gigawa niya ang tingin pagdaan nito. Napanigiti ang keks bago magderetso. 


‘Expert!’ 


‘I know it too much.’ Nagsuot balik ng shades ang bayot. ‘Far too much...


‘Oh, ikaw naman. Asan ang type mo diyan?’


Naglingon-lingon si Sarah. 


‘Yun, girl,’ mahiyain niyang gituro ang isang lalaking intsikon, naka-swimming shorts.


Nakafeel bigla ng kaunting imbey si Maya. Hindi niya alam bakit.


‘Mahilig ka sa singkit?’


‘Yeah...’ may kaunting lungkot sa sagot niya. Pero nawala ito paglapit ng lalaki.


‘Pahingi Niyan Daddy eyes, ‘day.’ coach ni Maya parang bayot ng beauty contestant. 


Gisubukan ni Sarah ang tingin – gikilabutan si Jeremiah. Gahd, kalandi. Napatigil sandali ng lakad ang lalaki.


Biglang may nagtawag ng ‘babe’ sa may likod, at nawala ang moment: nagdating ang jowa ng keks, giyakap siya nito, at naglakad sila paalis parang walang nangyari. 


Natahimik si Sarah.


‘Ay taken... Pero bongga ka ha, pati taken na lalaki mapatigil mo.’ bawi ni Maya. ‘Tara ‘day uy, dun tayo sa D’Mall sa Station Two, maraming kekiru dun.’


Naglakad-lakad sila sa D’Mall. Kay September man, hindi masyado matao (salamat naman), pero madami pa ring notch na pwede ilafang. Nagayosi ang Jeremiah sa daan habang nagatingin ng mga damit  sa isang botique si Sarah.


‘Girl, bagay kaya sa akin?’ gipakita ni Sarah ang isang tank top.


‘Kahit ano ‘day, bagay sa iyo. Gaga ka.’ Nagtawa si Sarah. 


Totoo din baya – nerdy itong gagang ito, pero iba din ang ganda. Nung first year pa sila gi-friend niya talaga ito siya, kay feel talaga niya bongga itong babaeng ito. Taga-Kidapawan na haciendera (rubber heiress ang lola mo), tapos maganda pa talaga at matalino –bongga ito. Pero nerd man pala, kaya ayun, nag-drift apart sila konti over the years. Okay lang gud, naging bookish lang itong babaeng ito. 


Pero ngayon lang niya narealize na may problema itong babaeng ito. Habang nagatingin sila ng mga baligya sa D’Mall, tignan siya ng mga nagadaan na lalaki, at parang may konsensya ba o ano sa hiya ng ngiti niya sa mga tingin. 


‘Maya?’ napansin ni Sarah na kanina pa siya nakatingin. Nakalunok ng usok si Jeremiah.

 

‘Wala, ngayon ko lang nahalata – maganda ka man pala.’


Naflatter si Sarah.


‘Bayot lang ako.’


 Gihampas siya nito habang nagatawa.


‘Gaga ka talaga!’ giyakap niya ang kamay ng amiga. ‘Alangan uy, i-roomie ba diay kita kung lalaki ka pala. Tara na be, mag-sunset na..!’


Marami nang tao sa Station One, nagaselfie sa sunset sa likod ng dulo ng Boracay. May mga nagalakad sa tubig para puntahan yung grotto-grotto sa mabato na island. Orange ang kinang ng tubig at balas.

 

‘Kaganda girl!’ tili ni Sarah.


‘Ugh, kasilaw.’ 


Pagdaan nila sa isang sand sculpture na gigawa ng mga batang yagit, gitadyakan niya ito.


‘Ka-mean mo!’ May halo pa rin tuwa ang pagalit sa kanya ni Sarah habang ginaabutan ng pera ang bata.


‘Bawal sila maggawa ng ganito, kung hindi ako, malamang ang coast guard. At di ba ikaw na din nagsabi noon? “sand castles are made to be demolished.”’


‘Grabe, naalala mo pa yung essay na yun!’


‘Gistatus ko yung line sa FB.’ 


‘Bagay sa iyo in fairness, the cynical diva.’ Gikataw-an siya ni Sarah. ‘Talaga bang hindi ka ginakilig sa sunset? Kaganda kaya!’


‘Mag-Kim Chiu-Kim Chiu ako diyan with some Mr. Right? Kaluod. Kadami pang arte, mag-fuck na lang kami deretso.’


Kasarap ng tawa ni Sarah habang nahakarap sa sunset.


At paglingon niya nakangiti kay Jeremiah, nakabalot sa ulo niya ang liwanag ng araw

Gikilabutan ang bayot. 


‘Makalumos ang hangin.’ Gitakpan niya ang mukha ng shawl. ‘I think I need a cock right now to keep warm.’

 

‘Kaluod!’ tawa ni Sarah habang nagalakad sila pabalik ng Estacio Uno.



‘KUNG ANG BABAE maghaplas para maging manananggal,’ sabi ni Sarah habang nagapahid ng sun-screen si Maya, ‘ang bayot maghaplas para maging sirena.’


‘Gaga. Delusyon lang yan ng mga bayot ang sirena-sirena.’  Gihubad niya ang fedora. ‘Ang bayot, bayot.’


‘Ibang Gertrude Stein ka rin ‘no!’ Dahil normal siya, hindi nagets ng bayot ang reference. ‘Girl bakit ka naga-sunscreen na sunset naman?’


‘Masama bang maniwala pa rin kahit alam mong tapos na?’ hugot ng bayot. ‘Besides, masarap ang danlog. As if you would know.’


‘Gaga ka gud! Bantay ka lang talaga when I get laid.’ at aktong tumakbo si Sarah sa tubig. Naglublob siya sa dagat, at paglapit ni Jeremiah, nag-ahon ito, at giaya siya na maligo din.


Pagkakita niya sa ngiti nito, nakapatong sa cleavage ang isang kamay, basa ang buhok nakahawi sa pag-ahon, gikilabutan ulit si Jeremiah. Malamig ang hangin, pero parang kainit ng hubad niyang dibdib. 


‘Ayoko na lang ‘day.’ Parang takot siya mabasa.


‘Ha!? Oy, kalain mo gud, maligo tayo uy!’


‘I forgot,’ palusot ng bayot. ‘Ginadugo pala ako ngayon.’ 




NAGAKANTA NG BOSSA NOVA ang isang long haired at tan na keks (‘Taj Mahal’ daw ang title ng kanta, Brazillian song, sabi ni Sarah) sa harap ng Nigi Nigis habang nagadinner sila. Dinner by torchlight, sabay ng mga bituin at nagaliwanag na ilaw ng Bora night life ang peg nila. Bibo na hindi magulo ang Station Two.


‘Girl hindi ka magkuha ng ulam?’ sabi ni Sarah pagbalik niya galing sa buffet table. Nagalanlan ng kanin si Jeremiah mag-isa sa table. 


‘May ulam man,’ gituro niya ng simod ang keks. ‘Pero keri lang, sanay ako sa ganitong walang lasa. Hindi ko kailangan ang sarap.’


‘Naano ka girl?’ tawa ni Sarah. ‘Jilted girl lang ang drama.’


‘Anong jilted, che. Kung makatingin kaya itong kekiru na ‘to sa akin parang ako ang ulam. Wala, ewan lang bakit, pero makalungkot ang ligaya.’


‘Sabi ng bangagan sa ligaya.’


‘Gaga,’ gitawanan siya ni Sarah habang nagkuha siya ng lechon sa plato. ‘I used to think I always need a dick in my life. Nasum-od?’ 


 ‘Pero bitaw,’ nagatawa pa rin si Sarah habang nagasipsip ng sipit ng alimango. ‘Tingnan mo ang trunks niya girl, parang kalaki ng sa kanya. Masakit kaya yan?’


Biglang nawala ang gana ni Maya. 


‘Siguro,’ taas niya ng kilay. ‘Pero be, kelan mo ba ipaliwanag sa akin bakit ka nag-aya-aya bigla manghuli ng notch? Pagkaalala ko you were never the type.’


‘Change of pace?’ palusot ni Sarah. ‘Pero thanks pala ha for agreeing to come.’


‘Of course. Yan naman talaga ang papel naming mga bayot: samahan si Liza Soberano maghanap ng kekiru, tapos pag nagkita na sila ni Enrique Gil, makinig kay Liza Soberano magyawyaw about sa love and forever and shit. And then slowly fade into obscurity.’ Nagkagana ulit sa lechon ang bayot.


‘Grabe ka-cynical! Parang hindi ka rin nakatikim ng kaligayahan ha.’


‘Lagi na ‘day, ikaw na ang virgin, ako na ang slut.’ At natawa si Sarah pag-aktong oral ni Maya sa buto ng lechon. 

‘Pero bitaw, may ginalayuan din ako sa office, so escape din ito.’ 


‘Ay chika!’ Noon pa man, mahilig na makichismax itong babaeng ito. 


‘Hay naku no biggie. Actually, medyo biggie.’ Nakataas ang kilay ng bayot habang nagakitkit ng lechon. ‘This officemate ko sa Sutherland, Brandon ang pangalan. Bago-bago lang nasali sa Marketing team namin, so sa akin na-under. Lami ‘te, James Reid ang flavour. Nag-fuck-fuck lang gud kami, mahilot-hilot mo man kay bata at virgin type. Akala ko lalaki, bayot man din pala.’


Nagbuhakhak si Sarah. ‘Hindi ko talaga magets yan ba. Ayaw ng mga bayot ng kapwa bayot – pero kung magpatol ang lalaki sa bayot, di ba to some extent bayot na din siya?’


‘No!’ nakataas noo ang bayot. ‘Nagathrive ang bayot sa pagdalawa-dalawa ng lalaki, at nagaderive kami ng kaligayahan sa kaalamang gipahungawan lang kami. We will never belong to anyone, and so we will always be free. Chos.’


‘Bongga ito,’ hagikhik ni Sarah, ‘I-status ko daw yan... Tapos,’ dugtong niya habang nagastatus sa iPhone. ‘Anong nangyari dun kay Brandon?’


‘Ayun, clingy. Gusto ng commitment. I don’t do commitment.’ Nagsindi ng yosi ang bayot. ‘I don’t do love.’

‘Hindi ko alam kung hard boiled ka ba o fabulous,’ nerd-mode ni Sarah. ‘Bagong genre ka ha. Ay girl, curious ako. Been meaning to ask you matagal na.’


‘Ano man?’


‘Kelan mo nalaman na bayot ka?’


‘Nung una ako nakatikim ng notch. Masarap pala. Bayot pala ako. Pero daan na ako mahilig mag-chinese garter.’


‘Kelan din yan?’ 


‘Ten years old ako. Notch man yun ng classmate ko sa Stella Maris, grade 4 kami. Maalat, kay bago lang siya nag-ihi. Pero masarap.’


‘Tapos nun?’


‘Ayun, gi-uyab ko siya. Panglimang son na ako so nalurkey si mudra at pudrakels, pero dawat-dawat na lang. Matagal na din daw nila alam – buti pa sila. Paglabas ko pa lang daw sa bisong ni mudrakels, tikwas na ang pinky ko. Bayot since birth.’


‘Pero ikaw, inday,’ balos ni Maya. ‘Alam ko may issueses ka din. Salita.’


Bago makasagot si Sarah, may naglapit na batang yagit, nagalimos. Kulot-kulot buhok at ang tono ng Tagalog – halatang netibo. 


‘Maghingi ako ng pera ate, pangtawid lamang ng gutom.’


Batang lalaki, tipong 7 years old, parang trapo na ang damit, wangkig at kuba-kuba, medyo amoy basahan. Nagtaas ang kilay ni Jeremiah.


Pero bago makalapit ang waiter para abugin ang bata, gipatigil ito ni Sarah.


‘Ako na bahala,’ at nagtango ang waiter bago nagbalik sa ibang table. 


‘Dong, taga-asa man ka?’ Tanong ni Sarah.


‘‘Day, nasa Aklan tayo. I-Tagalog mo.’ Nagbalik ng kain si Maya.


‘Ay tama. Taga-saan ka, boy?’


‘Taga-bundok po ate’ nahiyang sagot ng bata.


‘Ati ka..?’


Nagtango ang bata.


‘Ay hala girl, Ati siya girl.’ Mangiyak-ngiyak si Sarah. ‘Sa kanila baya talaga dapat itong Boracay, nadisplace ito sila. Kasakit uy...’


Gitingnan ni Sarah ang kanyang pitaka. ‘Ikaw lang isa? Asan ang parents – ang magulang mo?’


‘Wala na po ako nanay-tatay, tiyuhin na lamang at walong pinsan.’


‘Ginapalimos ang palamunin. Wais.’ Sabi ni Jeremiah.


‘Ay uy...’ Gititigan ni Sarah ang bata, bago nagtawag ng waiter. ‘Kuya, bigyan mo itong bata ng table, bayaran ko siya sa buffet.’


‘Yes ma’am.’


‘Boy, wag ka maingay sa iba ha. Sige, kain ka na muna dun.’


Nagtango ang bata at nagsunod sa waiter.


‘You’re very charitable,’ sabi ni Maya habang nagasipsip ng ulo ng sugpo. ‘Sana lang though thankful yung bata.’ 


‘Okay lang uy...’ Natulala si Sarah. At bigla itong naiyak.


Naratol si Maya. Nag-alcohol siya ng kamay, naglapit kay Sarah, at gihagod niya ang likod nito. 


‘Kasama ko’ng tao, Maya. Kasama ko talaga..!’


‘O, ano nangyari sa iyo? Tahan na.’ Kahit nagaiyak si Sarah, kaganda pa rin niya. 


Nagtigil sandali ng iyak si Sarah pagbalik ni Maya sa harap niya, pero nagatulo pa rin ang luha niya.


‘Well, I guess you should know. Ito man din ang dahilan ultimately bakit kita giaya dito sa Boracay. Naalala mo si Shooti? Shooti Lao?’


‘Familiar ang name...’


‘BM, intsikon. Yung palagi ko kasama nung first year tayo.’


‘Ay o yung keks. Jowa mo?’


‘Na, hindi...’ gitrapo ni Sarah ang luha niya. ‘Kababata ko sa Kidapawan. May uyab yun...


‘But yes, I loved him.’ Halata na hirap siya mag-amin nito. ‘Longer than I realized, actually. Katanga ‘no? Since elementary pa siguro. God I was stupid.’ At nag-iyak siya ulit.

 

‘Grabe, seryoso talaga – napa-English ka gud.’ Gihagod ulit ni Jeremiah ang likod nito habang nakatawa kahit papaano si Sarah.


‘Salamat, girl.’


‘Tapos anong nangyari?’


Nakahabol ng hininga s Sarah.


‘Nung first year tayo, nagsige sila away ni Maying yung uyab niya. Napressure si Shooti ng mga kabarkada niya sa AdDU na makakuan na, pero hindi magpagalaw si Maying.’ Naiyak ulit si Sarah,


‘Kaya ayun, isang araw nagpulot si Shooti ng dalagita na badjao sa Bajada, gidala niya sa kanyang boarding house...’


‘OMG..!’


‘Hindi pa tapos girl,’ iyak ni Sarah. ‘Ako ang pinakamasama dito.’


‘Hala juskems ano ‘to..!?’


‘Nagsumbong sa akin ang bata mga one week later, nakita niya man kami magkasama once.’ Naghagulgol na si Sarah. ‘Girl, kasama kong tao! Gisabihan ko ang bata na okay lang, gawan ko lang ng paraan. Wag lang siya maingay, ako na lang bahala sa kanya. Pero wala ako gigawa after that – practically, gipatahimik ko lang ang bata. Gipatahimik ko yung biktima ng rape, girl – para lang sa lalaki!’ At nawala na sa hagulgol si Sarah.

Gihagod lang niya ang likod nito, tameme sa narinig. 


‘Hindi ko talaga alam ‘day...’


‘Nine years, Maya. Nine years ko ito gidala sa konsensya ko.’


‘Tapos... tapos ano na nangyari dun sa Shooti?’


‘Ay, ayun...’ natipon ni Sarah ang sarili niya. ‘Nung second year tayo hindi din daw nakapigil si Maying. Buntis pagka-third year. Nagtigil na ako sama-sama sa kanya nun pa lang pagkatapos nagsumbong ang bata. But it took me five years to stop loving him...’ hagulgol ulit.


‘I’m not surprised...’ sabi ni Jeremiah. ‘Childhood love mo yun. Ugh, kaya ayoko yang love-love talaga...’ nagsindi ng yosi ang bayot. ‘But now I know why obsessed ka masyado noon sa lumad rights chever. Gi-thesis mo pa yun di ba?’


‘Oo,’ nakuha ulit magngiti ni Sarah. ‘pampawala sana ng konsensya. It worked somehow. Pero yung kaluod ko sa sex, girl, hindi ko talaga nawala. Hanggang sa narealize ko nito lang na hindi na healthy...’


‘Oo nga, you need a dick in your life. And you’re in Boracay, madaming dick. Ingat ka lang sa balas, mahapdi.’

Nakatawa na talaga si Sarah. 


‘Bitaw. I want to try so many new things! Ay tama, gusto ko magtry yosi!’


At pagsabi nito ni Sarah biglang nabalik si Jeremiah doon sa bukot-bukot at amoy medyas na boarding house sa Boulevard kung saan siya natuto magyosi. 2nd year high school pa siya, at gipahithit siya ng boyfriend niya na college student taga USEP ng Fortune. At habang nagaubo siya sa usok, gipalafang sa kanya ang notch-

Nagpikit siya ng mata. Yang ganyang dumi kay Sarah, hindi pwede. 


‘No, hindi kita turuan.’ May diin sa pagkasabi niya.


‘Pero girl –’


‘No. Masama ito. Iba na lang,’ at bago makasagot si Sarah nagtawag siya ng waiter. ‘Ganito: you never drink right?’


‘Ay oo hindi pa!’


‘May Impay kuya?’ tanong ni Jeremiah sa waiter. ‘Isang bote.’


Nagtango ang waiter at gikuha ang order nila.


As expected, ala una pa lang lasing na si Sarah, pero para sa first timer, malakas siya (naka dalawang bote sila). Naglakad sila dahan-dahan pabalik ng Station one, akay niya si Sarah.


Isa lang ang kwarto nila sa Estacio Uno para makatipid: ang condition ni Maya pagsama dito kay dapat makatikim siya ng Station one. Okay lang din kay Sarah kay bayot man din si Maya.


Pagdating sa kwarto, gihiga niya sa kama si Sarah at gitignan ito. 


Kahimbing ng tulog ng gaga. Kabigat pala ng gidala niya sa loob ng siyam na taon.


At pag-isip niya dito sa kabigat na gidala katagal ni Sarah, at ang lahat ng pakiramdam na siguro nafeel nito, nalain si Jeremiah: nakita niya bigla na sa dami ng gipagdaanan niya sa life  – sobra pa masyado kadami dito sa gipagdaanan ni Sarah – kalittle lang ng nangyari sa kanya. Gihabhab lang niya ang buhay, hindi niya nalasahan. Dahon siya ng gabi sa basakan na kahit nasa basakan na gani hindi pa rin alam anong lasa ng putik. Habang ito si Sarah, kaliit pa lang ng nakita sa world, pero gilanlan na bawat butil ng life. Kalalim na ng pagkaalam nito sa sarili niyang buhay. 


Kababaw niyang tao, uy. Bakit sa dami ng kanyang mga narampa, malula pa rin siya isip sa lalim ng mga posibilidad ni Sarah?


At pagpasok, ewan pano, ng idea na makatikim siya niyang mga posibilidad na yan ni Sarah – gikulbaan siya. Yang kilabot na makatakot pero maka-excite. Kilabot ng bago ka magtalon sa bangin: makakulba na makasabik. Na makahilo.


Nahilo siya. Gosh, kailangan niya magyosi.


Tanghali na ng nagising si Sarah. Nakangiti, kahit maga masyado ang mga mata. Nagbrunch sila sa restaurant ng Estacio Uno.


‘Hangover?’


‘Ano yun?’


Giroll ng Maya ang eyes niya. ‘Masakit ulo mo?’


‘Hindi man. Dapat ba ganun pag mag-inom?’


Nagsindi ng yosi ang bayot. ‘Never mind.’ Hithit. ‘Makawala pala talaga ng hangover ang pag-iyak. I wouldn’t know. Okay ka na talaga ha?’


‘Lagi girl uy,’ may tuwa sa tono ni Sarah. ‘Okay na ako. Both with the inom and the nakaraan.’

‘Sure ka diyan sa nakaraan?’


Natahimik sandali si Sarah.


‘Oo,’ sagot niya. ‘Oo, girl Okay na ako. In fact ilang taon na akong okay.’


‘Talaga ka ha.’


‘Yes,’ may sureness sa tono niya. ‘At nandito ako ngayon sa Boracay para mag move on. Para makatikim ng more.’


Biglaan lang: nagka-urge ang Jeremiah na mag lean forward at idikit ang mukha niya sa mukha ni Sarah, na mahinga ang hininga nito, para lang maamoy kung talaga bang wala nang alak at wala nang pag-ibig sa baga niya. Para lang matikman sa mga labi niya ang ginasabi niyang ‘more.’


Gipigilan niya ang sarili niya. Napansin ni Sarah na kahigpit ng hawak niya sa mesa.

 

‘Girl, okay ka lang?’


Nagtayo si Maya.


‘Yeah, keribells. Nahilo lang sa yosi.’


May pag-alala pa rin sa mukha ni Sarah.


‘Anyways, mamaya saan tayo?’


‘Saan ba maraming lalaki?’ Nag-giggle si Sarah.


‘Sigurado ka na talaga ha,’ nagtaas ang kilay ng Maya – nalain siya sa thought na manglalaki itong si Sarah. Maygahd anong nangyayari sa kanya. 


Habang giproblema niya ito napansin niyang papalapit yung long haired keks kagabi naga Bossa Nova habang nagadinner sila. 


Sige ito.


‘Well then, magclub tayo e.’ Nagsalubong ang tingin nila ng keks. Pagdaan niya sa table nila gingitihan siya nito.

‘Mag-Cocomanga siguro tayo.’ Gibalusan niya ito ng ngiti habang nagpatuloy salita. ‘Though mag-D’Talipapa muna siguro tayo dinner, isagad na natin dun ang hipon uy. I wanna suck something.’


Napansin ni Sarah ang tinginan nila at nakatawa ito. Nabuhayan ulit ng loob si Maya.



HINDI MO NA MARINIG ang kahit anong pagdalawa-dalawa mo sa loob ng Cocomangas pagpasok nila pagkagabi. Party lights, bass line na makauyog ng kaluluha, halong amoy ng pabango, pawis, at puyat – ito ang habitat ni Jeremiah. 


At parang pantat sa putik, nagsuyod siya papasok sa nagasayawang crowd, nagasunod si Sarah sa likod niya. 

Sa gitna ng dance floor, nadikit ang pisngi niya sa hubad na dibdib ng isang American na keks. Sabay nito, gihawakan ni Sarah ang kamay niya para hindi sila magkahiwalay. Gikilabutan ang Maya.


Nakalabas sila sa dance floor at nakaabot sa bar. Naglekwatro ang Jeremiah pag-upo. ‘Blowjob, kuya’ sabi niya sa barista.


‘It’s so wrong kung ikaw magsabi ng pangalan ng drink!’ tawa ni Sarah. 


‘Yes, I make it sound routine.’


‘Kadaming cute, girl!’ tili ni Sarah habang nagalingon-lingon. In fairness, tama siya. ‘Tingnan mo yung isa doon o, yung sa may table na yun, may kasamang babae. Kit Harrington masyado siya girl!’


‘Uyab niya ata yang kasama niya, ‘day. Unless threesome ang bet mo.’


Tawa si Sarah. ‘Grabe din girl uy! Wag muna!’ Naglingon-lingon siya ulit. ‘Yung isa girl!’ gituro niya ang isang keks sa may dulo ng dance floor. ‘Hawig ni Zac Efron!’


‘Yeah but ‘day,’ gitignan ng Maya ang keks. ‘Naga-alert ang gaydar souk. Sirena yan.’


This time hilaw ang tawa ni Sarah. Naratol si Jeremiah, kaya nung napansin niya nagalapit ang isang gwapong keks sa kanila, nagbawi siya at gituro ng simod ang keks kay Sarah. Nakangiti ulit ito pagkakita.


Singkitin, mataas ang cheekbones. Naka-gel pahawi ang buhok, naka-chino shorts at long sleeved na white polo. Ka-hot ng choker niya sa nakabukas na butones ng dibdib. Paglapit kabango pa talaga.


Nag-upo siya sa tabi ni Sarah.